Chinland Defence Force (CDF-Hualngoram)
Myanmar rama mipui sorkar chu February 1, 2021 khan sipai chakna hmanga thuneihna pawng lak a nih tak avangin Federal Democracy dik tak kan hmuh theih nan rampum huapa Spring Revolution neih a ni a. Myanmar Military Army ten ralthuam hmanga mipui chunga kut an thlak tak avangin mipui veng himtu pawl People Defense Force (PDF) chu hmun hrang hrangah dinin sual sipaite an do let ve ta a. Hualngoram chhunga cheng mipuite nunna leh in-leh-lo veng him turin Hualngoram Peoples Organization (HPO) chu June 6, 2021 ah lungrual taka din ve nghal a ni.
HPO chuan kan do ber sual sipaiten ralthuam an chelek avangin an mahni laka mipuite veng him tur leh do let ve thei turin Chinland Defence Force-Hualngoram (CDF-Hualngoram) chu din ta a ni. Sipai hotu kan neih that avangin kan sipaite an felin hnam dang karah pawh chhuanawm tak takte an ni ta. Mi thahnemngaite zarah ralthuam lam pawh an nei changtlung thaw khat ta viau mai. Chhum lo chat lova sual sipaite nena indo leh inkap reng an nih avangin thi leh hliam pawh an awm ve ta nual bawk. Hualngoram a lo din chhuahleh theihna tura nunna hlantute hi an chhuan awm tak zet a ni. (He page-ah hian kan martyr-te hming leh chanchin kim chang tar chhuah tum mek a ni a, nakinah he page hi i la rawn tlawhleh ngei kan beisei bawk).
